دهب Dahab

الرحلة الثلاثية 9:30  صباحا الى محمية بلوهول هناك بنقعد فالكافيتيريا نجهز لنزول المياه و ناجر نضاراتنا و عواماتنا و ننزل مع الجايد فالمكان اللي عمقه بيعدي ١٣٠ متر ، نتفرج عالحتيان تحت المياه من شعاب ملونه و اسماك و كائنات بحريه ، نخلص جولتنا تحت المياه عشان تبدا جولتنا فوق المياه لما بناخد المراكب السريعه (اللانش) و نروح بيها جزيرة فوسط البحر اسمها محميه ابوجالوم ، وديه بقى مغامره تانيه خاااالص

هناك بنوصل نلقي الجبل واخد البحر باالحضان و عايشين قصه حب ميفهمهاش غير اللي يطلع معانا و يركب العربيات بتاعه السفاري و يمشي وسط الصحرا عشان نتحرك لحد ما نوصل الشط الازرق (بلولاجون) ، نلاقي البدو بيرحبوا بينا و يستضيفونا فبيوتهم اللي مبنلحقش نقعد فيها عشان نجري منزل اجمل شاطيء فمصر حرفيا هناك ثم نرجع ً ، نقضي اليوم بالعربيات ابوجالوم و ناخد المراكب تاني للبوهول و منها نرجع للفندق بتكون الساعه جت 6:30 م يدوب نلحق ناكل

اختياري بالغداء

التجمع الساعة 8ص  الذهاب لرحلة اليخت التي تعتبر من احلي الرحلات الموجوده و مشاهدة المناظر الطبيعية و الاسماك الملونه و الشعب المرجانية و عمل اسنوركلينج في اهم نقطة شعب في سيناء و هي تعتبر من اكثر المناطق جاذبية في شمال سيناء رحلة اليخت الصباحي اختياري

اونصحى براحتنا عشان نتحرك لمحميه ثري بولز اللي بتتميز فاالسنوركلينج ، هناك كمان ممكن نطلع رحلة سفاري بيتش باجي لوادي جنى- مكان فقلب الصحرا بنشوف فيه النخل اللي طالع وسط الصحرا و الجبال و نتصور و منها ننزل عالبحر و ننضف من التراب

 – رحلة الثري بولز مجانا عشان احنا شركة رايقة بتحب تبسطك

وبعد كده بيكون عندنا سهره علي اليخت وقت الغروب وسط المياه و اغاني و عشاء اوبن بوفيه و عمل اسنوركلينج لوقت بسيط  وقت غروب الشمس

الذهاب لسفاري الشروق في وادي قني (اختياري)

لو الرحلة 4 ايام ف احنا بنفطرونستعد للرجوع / لو الرحلة 5 ايام ف احنا لسة عندنا برامج لسة مخلصتش عشان اليوم ده بتاع نويبع بقي

هنتحرك الصبح نروح كامب عالبحر على طول في راس شيطان هناك بنجهز عشان نروح وادي الوشواشي و للي ميعرفش ده حمام سباحة معمول من مياه السيول موقعه فوسط الجبال الملونه فنويبع ، مشوار بيتراح نصه بعربيات دفع رباعي تمشي بينا وسط الصحرا لحد م نالقي الجبال قافله الطويق فننزل نكمل مشوارنا عاالقدام ، نوصل بقى للبحيره المسحورة ديه و ننط نغطس فيها لحد ما نزهق بعدها بنرجع للكامب بنفس الطريقه عشان بيكون لينا ميعاد مع الغدا و البحر ،

ناكل و ننزل البحر و نحضر حفله السمر و بعدها نرجع تاني لدهب ، منزل الممشى السياحي نشتري الهدايا و التذكارات

اختياري

نفطر و نجهز عشان هتلاقي تليفون بيرن يقولك مديرك مستنيك فالشغل تاني يوم